^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Бейсенбі, 18 қазан 2018
 
     
 
Жаңалықтар
Алматы әкімі «Medical Excellence Japan» президентімен кездесті
01 ақпан 2018

«Алматы әкімі Бауыржан Байбек «Medical Excellence Japan» президенті Шузо Ямамотомен кездесті. Тараптар Орта Азиялық өңірде алғашқылардың бірі болып табылатын әрі онкологиялық ауруларды ерте анықтайтын жапондық медициналық диагностикалық орталық құрылысының біріккен жобасын жүзеге асыру мәселесін талқылады.

Ынтымақтастық жөнінде бұрын жасалған меморандум аясында қазақстандық – жапондық онкологиялық орталық ең озық технологиялармен жабдықталады әрі жобаның басты шарты жергілікті мамандардың кәсіби біліктілігін арттыру болып табылады.

«Біз қазіргі кезде жапондық компанияларды, олардың инвестициялары мен технологияларын кеңінен тартудамыз, өйткені олар көптеген салаларда алдыңғы қатарда және кейбіреулерінің әлемде баламасы жоқ. Ең маңыздысы, орталықтың дұрыс жұмыс істеуі және алматылықтар мен жалпы өңір тұрғындары үшін сапалы әрі қолжетімді қызмет көрсетуі», - деді қала басшысы.

Өз кезегінде Шузо Ямамото Алматының Орта Азия бойынша жапондық медицина жетістіктерін экспорттаудың барынша жайлы әрі ұтымды орын ретінде таңдалғанын атап өтті.

«Жапонияда біз пациент үшін сырқттан емделмес бұрын жыл сайын диагностикадан өтуі пайдалы екенін болжадық. Осынау болжамға Алматы да түсіністікпен қарайды деп сенміз. Орталықтың концепциясын жобалау үшін Алматы тұрғындарының сырқаттарына қатысты статисткалық мәліметтерге сараптама жүргіземіз», - « Medical Excellence Japan» президенті Шузо Ямамото.

Жалпы үш жыл ішінде қалада бірқатар ірі медициналық нысандар салу жоспарланған, олардың ішінде жаңа онкологиялық орталық, перзентхана және халықаралық «Mount Sinai» госпиталі бар.

Айта кетерлігі, соңғы 2 жыл ішінде медицина мекемелерін жарақтандыру деңгейі 75%-ға жетті. Қалалық денсаулық сақтау жүйесін цифрландыру барысында әр пациенттің электронды денсаулық паспортын енгізу, кем дегенде 35 жылжымалы модульді кешен арқасында орталықтандыруды іске асыру және Smart технологияны пайдаланып медицналық көмек сапасын арттыру жоспарланған.

  «« | »» «  | Барлық жаңалықтар


Алматы ақылды қалалар Еуропалық форумының жоғары марапатына ие болды »»
18 қазан 2018 - 10:40
Алматы Люблянда өткен ақылды қалалардың «Smart city-2018» Еуропалық форумында көлік жүйесін кешенді реформалау бойынша бірінші орынды иеленді. 50 ең үздік әлемдік практика мен инновациялық жобалардың финалдық үштігіне «Анкара парк» туристік жобасымен түрік астанасы Анкара мен «Сава өзеніне тұрғындардың оралуы» бағдарламасымен хорваттың Загреб қаласы да енді. Конкурс комитеті Алматының қоғамдық көліктегі табыстың ашықтығына цифрлық технологияны пайдалануы, оның әртүрлігі...
Алматыда Денсаулық сақтау басқармасының жаңа басшысы тағайындалды »»
17 қазан 2018 - 18:12
Бүгін қаланың денсаулық сақтау қоғамдастығымен кездесу барысында Алматы әкімі Бауыржан Байбек Денсаулық сақтау басқармасының жаңа басшысы Қанат Төсекбаевты таныстырды. Соңғы жылдары Алматыда қала тұрғындарының денсаулығына қатысты негізгі индикаторлар бойынша оң нәтижелерге қолжетті, денсаулық сақтау ұйымдарын жаңа заманауи медициналық техникамен қамтамасыз ету 80%-ға жетті. Тұрғындардың 94%-ы электронды паспортпен қамтылды. Жыл аяғына дейін қаланың барлық емханалары қағазсыз форматқа көшеді. Жүргізілген ...
Алматыда бірқатар жер телімдері мемлекеттік қорға қайтарылады »»
17 қазан 2018 - 13:01
Алматыдағы жер қорын тиімді пайдалану туралы мәселе әкімдік алқасы мен қала прокуратурасының бірлескен жиынында талқыланды. «Мемлекет басшысының халыққа Жолдауында жер мәселесіне ерекше назар аударылып, «жер қатынастары саласына тексеру жүргізіп, істі ретке келтіріп, жерді нақтылы инвесторларға беру қажет» делінген. Қазірдің өзінде Алматыда игерілмеген 2,4 мың жер телімінің бар екені анықталды, оның 27%-ы айналымда, 47%-ы 10 есе салық салу үшін мемлекеттік кіріс Департаментіне жіберілді,...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2018 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13