^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Жұма, 18 қаңтар 2019
 
     
 
Жаңалықтар
Бауыржан Байбек «Сайран» автовокзалының ғимаратын жөндеуді және оны жергілікті маңызы бар тарихи ескерткіштер тізіміне енгізуді тапсырды
17 сәуір 2018

Күнделікті жұмыс апары барысында Алматы әкімі Бауыржан Байбек халықаралық «Сайран» автовокзалының ғимараты мен оның айналасын және «Саяхат» автобекетін аралап көрді. Мегаполис басшысы «Сайран» автовокзалының көптен бері халықаралық деңгейге сай еместігін, сондықтан қайта жөндеп, менеджмент моделін қарастыру қажеттігін атап өтті.

Алматыда «Туризмді дамытудың 100 қадамы» жол картасы аясында қала сервисі мен оның инфрақұрылымын жақсарту бойынша жұмыс одан әрі жалғасуда. Осыдан бірнеше күн бұрын ғана «ҚТЖ» ҰК» АҚ-мен бірге «Алматы-1» және «Алматы-2» вокзалдарын реконструкциялау мен қызмет сапасын жақсарту барысында біріккен жоспар қабылданған еді. Дегенмен, мегаполистің автомобиль вокзалдарының жағдайлары қанағаттанғысыз болғандықтан жаңартуды қажет етеді.

Бүгінгі күні «Сайранның» вокзал алды айналасында бірқатар құрылыстар бар, кеңестік модернизм стилінде салынған ішкі әрлеудің элементтері мен ғимараттың сыртқы келбеті бұрынғы бейнесінен біршама айрылған, соның салдарынан архитектуралық бірегейлігін жою қаупі бар.

Фотография

Ішкі туризм әлеуетін дамытуды ескеріп Бауыржан Байбек күн сайынғы жолаушы легі 1200 адамды құрайтын автовокзал айналасын ретке келтіруді және оның ғимаратын жөндеуді тапсырды. Заңнамаға сәйкес нысанды жергілікті маңызы бар тарихи есекрткіштер тізіміне енгізу мәселесі қарастырылады. Айта кетерлігі, бұрындары мегаполис басшылығы құны 20,2 млрд. теңгені құрайтын «Батыс» автовокзалын салу жөніндегі жобаны бекітпеген еді.

«Өткен жылы басталған қаланы қайта жаңғырту аясында біз Алматыға бұрынғы тарихи келбетін қайтарудамыз. Ең алдымен, нысандарды алғашқы бейнелерін сақтау қаджет. Сарапшыларды тарта отырып, жолаушылар легінің логистикасын толық қайта қараған жөн. Яғни біз тарихи нысанды қалпына келтіріп, вокзалдың барша қызметін жаңаша жүргізіп, оны қаланың көлік хабына айналдырамыз», - деді Бауыржан Байбек.

Фотография

Қазіргі кезде автовокзал айналасында заңсыз салынған құрылыстар алынуда. Автовокзал айналасында бұрындары саудамен айналысқан кәсікерлерге ауданның сауда орындары мен базарларынанн жеңілдетілген орындар ұсынылады.

Алматы әкімі жұмыс сапары барысында қала маңындағы елді мекендерге қызмет көрсететін «Саяхат» автобекеті мен оның айналасын аралап көрді. Жер учаскесінің иелері оның айналасын абаттандыру бойынша тиісті жұмыстарды бастауға және одан әрі дамыту жөніндегі нақтылы жоспарды қысқа мерзімде ұсынуға міндеттенді.

Фотография

Фотография
  «« | »» «  | Барлық жаңалықтар


Алматыда төтенше жағдайдың алдын алу мақсатында Есентай өзенінің арналары бекітілуде »»
15 қаңтар 2019 - 15:54
Алматы әкімі Бауыржан Байбек жұмыс сапары кезінде Әл-Фараби даңғылының оңтүстігіне қарай орналасқан Есентай өзенінің арналарын бекіту жұмыстарының қарқынын тексерді. Өйткені, жазда өзен жағалауындағы тротуарларды, спорт алаңдарын абаттандыру және жарық желілерін жүргізу басталады. 4000 ағаш отырғызу жоспарланған. Қазіргі кезде ұзындығы 1,8 км болатын аумаққа тірек қабырғаларын орнату, өзен түбіне темірбетон төсеу және техникалық жолдарды абаттандыру жұмыстарының 65% орындалды. Атқарылған шаралар учаскеде ...
Алматыда полицияның алғашқы фронт-офистері ашылды »»
11 қаңтар 2019 - 14:43
Алматы әкімі Бауыржан Байбек жұмыс сапары кезінде қылмыстық-түзету мекемелері мен аудандық полиция басқармалары жанынан ашылған сервистік бағыттағы алғашқы фронт-офистерді аралап көрді. Сонымен, Красногорск көшесіндегі қылмыстық-түзету мекемесі жанында алғашқы фронт-офис пайда болды. Бұрындары жазаланушыға келген туыстары мен адвокаттар аталған мекеме алдында сағаттар бойы күтіп тұратын әрі дәретханаға бара алмайтын, күту залы мен жүк сақтау камералары болмайтын. Енді бірыңғай өткізу пункті болып табылаты...
Алматының бір бұрышында «Гагарин» пайда болды
27 желтоқсан 2018 - 20:14
Алматыда фирмалық орындықта отырған скафандрдағы космонавт Юрий Гагариннің бейнеленген инсталляция пайда болды. Әзілге құрылған композиция қоладан жасалған және Гагарин даңғылы мен Абай даңғылының оңтүстігіне орналасқан. Бұрындары жұмыс сапары кезінде қала әкімі Бауыржан Байбек тұрғын үй құрылысы қарқынын тексеріп жүріп, жаңадан салынып жатқан тұрғын кешендерінің ауласынан осыған ұқсас инсталляцияны көріп қалып, толыққанды бейнені жасап, оны Гагарин даңғылына орнатуды тапсырған еді. Бұл арт-объект селфи ...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2018 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13