Бүгін Венгрияда қызметтік іссапарда болған қала музейлері бірлестігінің қызметкерлері атом электр станциясын (АЭС) салу мәселесі бойынша референдумға қатысты.
Қызметкерлер Қазақстан Республикасының Венгриядағы Елшілігі жанындағы № 375 референдумның сайлау учаскесіне барды.
«Егер бүгінгі күн кеше қабылданған шешімдердің нәтижесі болса, онда ертең бүгін қабылданған шешімдердің нәтижесі болады. Будапештте қызметтік іссапарда болғанымызға қарамастан, біз Қазақстан Республикасының Венгриядағы Елшілігі жанындағы сайлау учаскесіне барып, атом электр станциясының құрылысына қатысты өз таңдауымызды жасадық», – деп атап өтті Алматы қаласы мұражайлар бірлестігінің директоры Ләззат Сағындықова.
Естеріңізге сала кетейік, бүгінде Қазақстанда референдум өтіп жатыр және барлық азаматтар, соның ішінде шетелде жүргендер де сол елдің уақыты бойынша сағат 20:00-ге дейін сайлау учаскелерінде өз дауыстарын бере алады.